Забеспячэнне пераемнасці фарміравання гістарычнай памяці на розных узроўнях сістэмы адукацыі

Abstract

У артыкуле разглядаецца праблематыка фарміравання феномена гістарычнай памяці ў кантэксце канцэптуальных палажэнняў сучаснай гістарычнай і педагагічнай навукі. Распрацаваны беларускімі навукоўцамі – гісторыкамі і педагогамі канцэпт гістарычнай памяці з’яўляецца базавым у даследаваннях у галіне методыкі выкладання гісторыі з улікам праблемных пытанняў выкарыстання на практыцы ідэй пераемнасці. Аўтарам абгрунтоўваюцца палажэнні рэсурснага забеспячэння фарміравання гістарычнай памяці навучэнцаў у якасці інтэграванай характарыстыкі асобы. Разглядаюцца дыферэнцаваныя прыкметы феномена пераемнасці, улік якіх дазваляе вызначаць метадалагічныя аспекты не толькі фарміравання, але і развіцця гістарычнай памяці на ўзроўнях агульнай сярэдняй, сярэдняй спецыяльнай і вышэйшай адукацыі. У межах методыкі выкладання вучэбных прадметаў «Гісторыя беларускай дзяржаўнасці» і «Вялікая Айчынная вайна савецкага народа (у кантэксце Другой сусветнай вайны)» аўтарам вызначаны арганізацыйна-педагагічныя ўмовы дасягнення эфектыўнасці ў метадычным забеспячэнні сфарміраванасці гістарычнай памяці асобы навучэнца ў кантэксце пераемнасці. Атрыманыя навуковыя абагульненні з’яўляюцца важнымі для стварэння эфектыўных мадэлей працэсуальнага фарміравання гістарычнай памяці як дыдактычнага канструявання асобасна запатрабаваных і эмацыйна афарбаваных для суб’ектаў адукацыйнай дзейнасці ведаў.